Ôbliczanie ôbjyntości studnie

Ôbliczanie ôbjyntości studnie abo cylindrycznyj jamu

Proszymy zaznaczyć wymiary w metrach

D1 - wiyrchnio strzednica studnie
D2 - strzednica spodku studnie
H - zgłōmb

Ôkrōm tego możesz wskazać koszty kopanio studnie i koszty usuniyńcio ziymie.

Ôbliczanie ôbjyntości

Sōm trzi ôpcyje zapewniynio wody do prywatnego dōmu. Możesz sōm wywiercić studnia, możesz zatrudnić do tego specjalistōw abo możesz wykopać studnia na swojij posiadłości. wszyske metody majōm tak swoje dobre, jak i wady. Mocka ôsōb wolo instalować studnia na swojij posiadłości, pōniywoż je tōnio, może być używano bez wiyncyj jak 50 lot, a sprzōntanie takij kōnstrukcyje je moc łacniyj aniżeli studnia. Ôkrōm tego kopanie studnie niy wymogo ekstra zgody. Jednak, coby wykopać studnia na swojim placu, musisz nojprzōd wykōnać jakeś rachōnki. Nasz program rachōnkowy pōmōże ci tutaj. Jedyne co trza zrobić to wpisać głymbokość studnie, jeji wiyrchnio i spodnio strzednica jak tyż koszty wykopalisk na twojim przestrzyństwie zamiyszkanio na ôdpednich polach, po czym sōm program porachuje ôbjyntość studnie jak tyż szacowano koszt jego wykopanio.

Kopanie studnie

Piyrszōm i nojwożniyjszōm rzeczōm przi samym kopaniu studnie je ôbiyranie miyjsca do nij. Moc ważne je, coby w prōmiyniu 50 metrōw niy było przechowowanio nŏwozu abo inkszych niyczystości, kere mogōm wpłynōńć na jakość wody. Niy winno sie stawiać studnie bliżyj aniżeli 5 metrōw ôd dōmu. W ôpacznym razie istnieje ryzyko uszkodzyń fōndamyntu dōmu skirz wymywanio ziymie.
Ważne je tyż ôkryślynie głymbokości studnie. Coby to zrobić, idzie poznać głymbokość podobnych kōnstrukcyji na sōmsiednich ôbszarach abo wczasnij wywiercić studnia.
Proszōm zwrōcić uwoga, iże studnie niy możesz kopać w żodnyj porze roku. Nojlepszy ôkres je ôd czyrwca do września. W tym czasie warstwo wodno je na niskim poziōmie, co ôznaczo, iże niy bydziesz ôszydzony wodōm z wiyrchnich worsztw, kere mogły ôstać po jodłowym potopie.
Dalszo rzecz, ô kerōm musisz sie tropić, je to, jak zmocnisz ściany studnie. Je tutaj pora ôpcyjōw. Je to drzewiano rōma, mōnolityczny betōn i cegłōwka. Kożdo z tych metod wzmacnianio mo pewne przewogi. Tak tōż drzewiano rōma je nojtōńszo. Ale je to krōtkoterminowe. Jeji ôdporność wynosi niy wiyncyj jak 15 lot. Ôkrōm tego musi być co roku czyszczōny ôd mułu. Co wiyncyj, przi kopaniu takij studnie ściany niy sōm wzmacniane, co powoduje ryzyko zapadniyńcio ziymie.
Bōtōn mōnolityczny je dobry, pōniywoż niy dozwolo na wchodzynie wod powiyrchniowych do studnie. Ale budowa takij studnie potrzebuje moc wiyncyj czasu, a to bydzie kosztować moc wiyncyj. Tu masz dwie ôpcyje. Abo sōm wykōnaj betōnowe formy do wzmocniynio ścian, abo kupij je. Przed decydowaniym sie, co robić, proszōm zwrōcić uwoga, iże piestrzynie żelaznobetōnowe wytworzane we fabryce sōm mocniyjsze aniżeli te, kere możesz wykōnać sōm. Ale, ôczywiście, bydōm kosztować wiyncyj.
Budowa ceglanōm studnie wymogo ekstra umiyjyntności i dugich narychtowań. Ściany trza zmocnić, a pod cegłōwkōm trza zbudować fōndamynt. Ale, podobnie jak betōn, cegłōwka niy przizwolo na przenikniyńcie wody powiyrchniowyj do studnie.

Po tym, jak studnia je gotowo

Jako ino zorta studnie ôbiyrasz, ôna musi być ôd czasu do czasu dezynfekowano. Rynowacyjo winna być wykōnowano aby dwa razy na rok, a czyńścij, jeźli do studnie wejdōm cudze przedmioty. Coby ôczyścić studnia, woda je z nij wypōmpowano ze pōmocōm pōmpy. Potym, chodzōnc na spodek, przekludzomy niyzbyndne procedury sprzōntanio. Kej cudze przedmioty, muł, piosek i brud sōm usuwane z zola i ścian studnie, przekludzomy dezynfekcyjo. Coby to zrobić, roztryskaj ściany studnie miotłkōm abo szczotkōm z dugimi wosami roztworym chloru.
Kej studnia je zaś wypołniōno wodōm, winno sie tyż przidać roztwōr chloru w wielości 150 mg na 1 litr wody. Woda je miynszano, a studnia, zakryto pokrowcōm, ôstawio sie bez dwie godziny. Potym woda je zaś wypōmpowano, a studnia myto czystōm wodōm. Procedura je powtorzano, aże zapach chloru zniknie.